Ха! Хэй! Хо! – гульні, створаныя дзецьмі для дзяцей
Зборнік, які прапануе на школьным перапынку ператварыцца на малекулы, уявіць з сябрамі, што вы племя Храбціны Бізона, прыдумаць сваю гісторыю па коле падчас шляху да школы або выдумаць сваю новую гульню і дадаць яе ў наўпрост у кнігу!
Паважаныя чытачы, маленькія стэмбрыджысты (і іх настаўнікі) надрукавалі сваю першую кнігу! Яе склалі дзеці — вучні 2 класа — разам з Іллём Ясінскім, акцёрам і выкладчыкам тэатральнага майстэрства ў Stembrigde School у Вільні, і Наталляй Сялецкай, іх класнай кіраўніцай і той дарослай, што стварае бяспечную прастору, дзе можна спрабаваць, памыляцца, выказвацца і ствараць. Другакласнікі малявалі ілюстрацыі, прадумлялі назвы гульняў, складалі правілы і натхнялі ўсіх сваёй весялосцю і фантазіяй.
ШТО ДЛЯ НАС "ХА! ХЭЙ! ХО!"?
Ха! Хэй! Хо! — кніга, якую мы сабралі з тых і для тых момантаў, калі бывае весела ці наадварот сумна, калі ёсць некалькі хвілін для гульні, але скончыліся ідэі, калі малюкі перачыталі ўсю бібліятэку ці проста жадаюць штодзённа бавіцца і адчуваць асалоду часу, праведзенага разам. Акрамя таго, гульні падзелены па тэмах: дыханне, цела, кантакт, артыкуляцыя, увага і фантазія, каб любы мог хутка знайсці тое, што патрэбна менавіта зараз: супакоіцца, узбадзёрыцца, наладзіць сувязь з іншымі або проста пераключыцца і вярнуць сабе адчуванне цела.
ХА! ХЭЙ! ХО! — гэта месца, дзе ўсё пачынаецца з жывых адносін. Мы мяркуем, што адметнасць узаемадзеяння з вучнямі ў тым, што няма патрэбы гнацца за эфектнымі вынікамі ці ставіць дзяцей у “правільныя рамкі”. А проста клапатліва і ўважліва працаваць побач і разам з дзецьмі — і гэтая ўвага часам адкрывае дзверы, за якімі ўзнікаюць дзівосныя рэчы. Таксама ўпэўнены, што школа гэта не толькі прастора падрыхтоўкі да будучыні але і, можа нават самае каштоўнае, — выразная прысутнасць у сённяшнім, жыццё тут і цяпер.
ХА! ХЭЙ! ХО! — гэта месца, дзе ўсё пачынаецца з жывых адносін. Мы мяркуем, што адметнасць узаемадзеяння з вучнямі ў тым, што няма патрэбы гнацца за эфектнымі вынікамі ці ставіць дзяцей у “правільныя рамкі”. А проста клапатліва і ўважліва працаваць побач і разам з дзецьмі — і гэтая ўвага часам адкрывае дзверы, за якімі ўзнікаюць дзівосныя рэчы. Таксама ўпэўнены, што школа гэта не толькі прастора падрыхтоўкі да будучыні але і, можа нават самае каштоўнае, — выразная прысутнасць у сённяшнім, жыццё тут і цяпер.
Ілля Ясінскі, настаўнік
Усё ўзнікла ў моманце. Я захварэў і не вёў заняткі па тэатры, і Наталля замяняла мяне. Яна спытала дзяцей, што было цікавага на тэатральных занятках, і вучні пачалі маляваць адказы. Пасля чаго атрымаўся першы самаробны варыянт кнігі з гульнямі для класа. Я, можа, і не падумаў бы, што з гэтага можна зрабіць кнігу і проста пайшоў бы па праграме. Але наш Антон, заснавальнік кніжнай крамы “Гартайка”, паглядзеў на малюнкі і сказаў, што з гэтага можна зрабіць сапраўдную кнігу. І вось з маленькіх крокаў, са здольнасці заўважыць момант, захапіць яго — усё пачалося!
ЯК СТВАРАЛАСЯ КНІГА?
Для нас вельмі важна, каб усё адбывалася без напружання і без жадання даказаць нешта звонку. Мы верым у ціхае, спакойнае намаганне, атмасферу, у якой дзіця не аддзяляецца ад сваёй творчасці і ў якой дарослы не становіцца галоўным героем. Дзеці адчуваюць, калі дарослы сапраўды радуецца разам з імі, калі ён не робіць выгляд, а шчыра жыве побач. Гэтая шчырасць робіць прастору бяспечнай, і таму ўсё атрымліваецца натуральна — у тым тэмпе, у якім дзеці дыхаюць, рухаюцца, думаюць.
Мы намагаліся, каб кожнае дзіця адчувала: “усё, што я раблю, мае сэнс”. Што мой унёсак патрэбны. Што мая думка — важная. Калі з'яўляюцца такія моманты, дзіця пачынае расці і развівацца не з прымусу, а з унутранай патрэбы. Гэта вельмі далікатны, вельмі цёплы рост.
Дзеці былі ў кантэксце кожнага этапу: ім тлумачылі, што адбываецца, навошта патрэбная рэдакцыя, чаму дызайнерка выбірае адны малюнкі і пакідае іншыя, паказвалі чарнавікі і тое, як іх малюнак ці ідэя ператвараецца ў сапраўдную старонку. Ха! Хэй! Хо! гісторыя не пра вынік дзеля выніку — пра тое, як дзеці перастаюць быць аб’ектамі навучання і становяцца суб’ектамі працы.
Мы намагаліся, каб кожнае дзіця адчувала: “усё, што я раблю, мае сэнс”. Што мой унёсак патрэбны. Што мая думка — важная. Калі з'яўляюцца такія моманты, дзіця пачынае расці і развівацца не з прымусу, а з унутранай патрэбы. Гэта вельмі далікатны, вельмі цёплы рост.
Дзеці былі ў кантэксце кожнага этапу: ім тлумачылі, што адбываецца, навошта патрэбная рэдакцыя, чаму дызайнерка выбірае адны малюнкі і пакідае іншыя, паказвалі чарнавікі і тое, як іх малюнак ці ідэя ператвараецца ў сапраўдную старонку. Ха! Хэй! Хо! гісторыя не пра вынік дзеля выніку — пра тое, як дзеці перастаюць быць аб’ектамі навучання і становяцца суб’ектамі працы.
Наталля Сялецкая, настаўніца
Дзеці давяраюць мне, таму што я сама зацікаўленая. Усё адбываецца арганічна, у адпаведнасці з дзіцячай прыродай. Дзеці маглі абапірацца на дарослых і рабіць свае дзіцячыя важныя крокі. Не толькі ад настаўнікаў бацькі даведваліся пра працэс — дзеці самі ўсё ім распавядалі:
Гэта кніга можа аб’яднаць нас і літоўцаў, таму што нават калі б там была адна мова, гэта можна было б зразумець па дзеянням. Напрыклад год таму, шмат дзяцей сабралася на стадыёне і мяне проста паклікалі ў вялікі футбольны матч гуляць, там ніхто па-руску не размаўляў і я ўсё разумеў!
На мой погляд, гэта кніга, якая можа дапамагчы дзецям не сумаваць у выходныя ці звычайныя дні. Бо мне так у суботу бывае нудна, калі я ўжо пачытала ці не ведаю, што рабіць. А яшчэ, калі нейкі дзіцёнак захоча, калі вырасце, стаць акцёрам у тэатры, то можа ўзяць гэту кнігу з полкі і пачытаць, і паспрабаваць шмат вось гэтых ідэй, якія увесь наш клас напісаў. Я думаю, што ўсім гэта спадабаецца.
Важна, каб дзеці разумелі навошта яны працуюць над праектам, у чым іх асабісты унёсак і што менавіта яны ствараюць
Ха! Хэй! Хо! — цудоўны падарунак для сваіх малюкоў і іх сяброў!
Гульня — цудоўны спосаб пазнання не толькі сябе, але і іншых. Гэта тая дзіцячая мова, якая зразумела ўсім. Таму правілы на літоўскай і беларускай дапамогуць пазбавіцца моўных перашкод і падтрымаць шчырае жаданне пагуляць. Хаця, як бачыце, ў гэтым выпадку ў нашага юнага аўтара праблем і не ўзнікла, толькі апантанасць запрашэннем ў вялікі футбольны матч!
Калі вам таксама хочацца не доўгай гульні з правіламі, а хуткай, простай тут і зараз — замаўляйце кнігу анлайн https://stembridge.lt/books/haheiho і гуляйце, дзе хаціце і як хаціце!
Калі вам таксама хочацца не доўгай гульні з правіламі, а хуткай, простай тут і зараз — замаўляйце кнігу анлайн https://stembridge.lt/books/haheiho і гуляйце, дзе хаціце і як хаціце!
Місія школы
Мы кожны дзень ствараем школу, у якой дзеці хочуць і
вучацца вучыцца, канструктыўна мысліць, экалагічна і
адказна ўзаемадзейнічаць са светам вакол, пазнаваць сябе і быць шчаслівымі!
вучацца вучыцца, канструктыўна мысліць, экалагічна і
адказна ўзаемадзейнічаць са светам вакол, пазнаваць сябе і быць шчаслівымі!
STEMBRIDGE начало
Открытие школы Стембридж в Минске (2018 г.)
Гісторыя школы
Група энтузіястаў сабралася вясной 2018 года і вырашыла: школа, у якой дзеці і дарослыя кожны дзень кажуць «Хачу ў школу!», — рэальная. Бо яна — пра чалавека і для чалавека. Яна тут і цяпер стварае будучыню.
20 чэрвеня 2018 года Мінскім гарадскім выканаўчым камітэтам была зарэгістравана Прыватная ўстанова адукацыі «Сярэдняя школа Стэмбрыдж».
У верасні 2018 года школа адчыніла свае дзверы для першых 50 вучняў і вучаніц. Праз тры гады нас ужо больш за 300 стэмбрыджэраў, якія вучацца ў фарматах вочнай школы, індывідуальнага навучальнага плана і ў анлайн-школе «Фіджытал».
У 2022 годзе Стэмбрыдж першым сярод беларускіх школ атрымаў акрэдытацыю школы IB (International Baccalaureate — Міжнародны бакалаўрыят, міжнародны стандарт школьнай адукацыі).
20 чэрвеня 2018 года Мінскім гарадскім выканаўчым камітэтам была зарэгістравана Прыватная ўстанова адукацыі «Сярэдняя школа Стэмбрыдж».
У верасні 2018 года школа адчыніла свае дзверы для першых 50 вучняў і вучаніц. Праз тры гады нас ужо больш за 300 стэмбрыджэраў, якія вучацца ў фарматах вочнай школы, індывідуальнага навучальнага плана і ў анлайн-школе «Фіджытал».
У 2022 годзе Стэмбрыдж першым сярод беларускіх школ атрымаў акрэдытацыю школы IB (International Baccalaureate — Міжнародны бакалаўрыят, міжнародны стандарт школьнай адукацыі).
У верасні 2021 года школа Stembridge LT была зарэгістравана як юрыдычная асоба ў Вільні і адчыніла дзверы для сваіх першых вучняў і вучаніц. З студзеня 2022 года школа Stembridge LT зарэгістравана як агульнаадукацыйная школа Літоўскай Рэспублікі.